ای ٹی وی بھارت کی ٹیم نے جب سرینگر میں واقع این آئی ٹی کا دورہ کیا تو انہوں نے دیکھا کہ وہاں پر چند مقامی اور غیر ریاستی طلبا ہی موجود تھے جس سے حکام کے دعوؤں کی قلعی کھل گئی۔
ای ٹی وی بھارت کے نمائندے کے مطابق اگرچہ این آئی ٹی میں چند طلبا کو داخل ہوتے ہوئے دیکھا گیا تاہم درس و تدریس کا کام پوری طرح ٹھپ ہی نظر آیا۔
اس سے قبل وزارت فروغ انسانی وسائل نے سرکولر جاری کیا تھا جو بعد میں طلبا کو بھیج دیا گیا اور این آئی ٹی کی ویب سائٹ پر اپ لوڈ کیا گیا تھا۔
وزارت فروغ انسانی وسائل نے دعوی کیا تھا کہ این آئی ٹی، سرینگر میں تدریسی عمل شروع ہوچکا ہے اور وادی کے حالات دھیرے دھیرے معمول پر آ رہے ہیں۔
قابل ذکر ہے کہ دفعہ 370 کے خاتمے کے بعد جہاں حکومت کی جانب سے سخت ترین بندشیں عائد کی گئی ہیں۔ وہیں تعلیمی اداروں میں معمول کا کام بھی پوری طرح ٹھپ ہو گیا ہے۔ گرچہ انتظامیہ کی جانب سے مرحلہ وار پرائمری، مڈل اور ہائی اسکولوں کے بعد 3 اکتوبر سے ہائر سیکنڈری اسکول کھولنے کا اعلان کیا گیا ہے۔ تاہم تعلیمی اداروں میں درس و تدریس شروع نہیں ہو پا رہا ہے۔
سرکاری اعلان کے بعد گرچہ اسکولی عملہ اور اساتذہ باضابطہ اسکول جا رہے ہیں لیکن طلبا اب بھی اسکولوں کا رخ نہیں کر پا رہے ہیں۔
