پلوامہ:مرکز کے زیر انتظام یو ٹی جموں کشمیر کے ضلع پلوامہ میں ضلع انتظامیہ نے محمکہ کھیل کود کے اشتراک سے ضلع کے بالائی علاقے باغ سنگروانی علاقے میں قبائلی برادری سے تعلق رکھنے والے لوگوں کے لئے کھیلوں کے میلے کا انعقاد کیا تھا۔اس میں ضلع پلوامہ کے محتلف علاقوں سے قبائلی برادری سے تعلق رکھنے والے اسکولی بچوں کے ساتھ ساتھ بزرگ شہریوں نے شرکت کی۔
پلوامہ کے ایڈیشنل ڈسٹرکٹ ڈیولپمنٹ کمشنر ڈاکٹر عبدل عزیز نے محمکہ کھیل کود کے ضلع افسر جگدیش رائے شرما کی موجودگی میں کھیلوں کے میلے کا افتتاح کیا۔ محمکہ کھیل کود کے دیگر افسران بھی موجود رہے جبکہ بچوں کے ساتھ ساتھ مقامی لوگوں کی ایک اچھی تعداد اس موقع پر موجود رہیں۔
اس موقع پر محمکہ کھیل کود کی جانب سے بچوں میں مختلف کھیل مقابلے کرائے گئے۔بزرگ خواتین کے لئے بھی مختلف مقابلوں کا انعقاد کیا گیا جس میں نمایاں کارکردگی کا مظاہرہ کرنے والے بچوں اور بزرگ شہریوں کو انعامات سے نوازا گیا۔ وہی اس موقع پر حاضرین کا دل بہلانے کے لیے ثقافتی پروگرام کا بھی اہتمام کیا گیا تھا۔
مقابلوں میں شرکت کرنے والے بچوں نے بات کرتے ہوئے ضلع ترقیاتی کمشنر پلوامہ کا شکریہ ادا کیا۔انہوں نے کہا کہ اس طرح کے کھیل مقابلے کا انعقاد کرنے سے ان کی حوصلہ افزائی ہوتی ہے۔ ساتھی ان پسماندہ علاقوں میں رہنے والے بچوں کو بھی کھیل کود میں حصہ لینے کا موقع فراہم کیا جا رہا ہے۔ ہمیں آگے بھی اس طرح کا موقع فراہم کیا جانا چاہیے تاکہ ہم باقی بچوں کی طرح ملک کا نام روشن کر سکے۔
یہ بھی پڑھیں:Division Officer Marwah ایک تعلیم یافتہ خاتون کی بدولت پوری کائنات بدل سکتی ہے
اس موقع پر محمکہ کھیل کود کے ضلع افسر جگدیش رائے شرما نے بات کرتے ہوئے کہا کہ محمکہ کی اعلیٰ افسران کی ہدایت پر ہم نے اس پروگرام کا انعقاد کیا جس میں قبائلی برادری سے تعلق رکھنے والے بچوں کے ساتھ ساتھ بزرگ شہریوں نے حصہ لیا۔ اس کا مقصد ہے کہ ضلع پلوامہ کے سبھی قبائلی برادری کے نوجوانوں کو کھیل کود کے ساتھ منسلک کیا جائے۔
