نئے سال کی آمد پر برفباری، کسان خوش

کسانوں کا ماننا ہے کہ 'یہ برفباری ان کے لیے راحت کا سبب بن گئی ہے۔ بروقت برفباری سے سیب کی پیداوار میں اضافہ ہوتا ہے اور دوا کا بھی کم استعمال ہوتا ہے۔'

پیر پنجال کے دامن میں واقع جنوبی ضلع کولگام میں نئے سال کی آمد پر پہلی برفباری ہوئی ہے جس کی وجہ سے کسانوں میں خوشی کی لہر دوڑ گئی ہے۔

کسانوں کا ماننا ہے کہ 'یہ برفباری ان کے لیے راحت کا سبب بن گئی ہے۔ بروقت برفباری سے سیب کی پیداوار میں اضافہ ہوتا ہے اور دوا کا بھی کم استعمال ہوتا ہے۔'

اس موقع پر کسانوں نے کہا کہ 'نئے سال کی شروعات ان کے لیے خوشخبری لے کر آئی ہے۔'

پیر پنجال کے پہاڑی علاقوں میں تازہ برفباری کے بعد شبانہ درجۂ حرارت میں کافی بہتری دیکھنے کو ملی ہے۔

ادھر تازہ برفباری کے بعد سرینگر - جموں قومی شاہراہ پر واقع جواہر ٹنل پر بھی تقریباً چار انچ برف ریکارڈ کی گئی جس کی وجہ سے شاہراہ کو آمدورفت کے لیے بند کر دیا گیا ہے۔

محکمہ موسمیات نے اگلے 24گھنٹوں تک ہلکی سے درمیانی درجے کی بارشوں اور برفباری کی پیش گوئی کرتے ہوئے بتایا کہ 'موسم کچھ دنوں تک مجموعی طور پر بہتر رہے گا۔'