پہلگام ڈیولپمنٹ اتھارٹی کی نگرانی میں 32 کلومیٹر والے پہاڑی علاقے سے برف ہٹانے کے لیے مقدس گپھا تک مزدوروں اور دیگر عملے کو روانہ کیا گیا ہے۔
جس کے چلتے پورے راستے سے برف ہٹائی جانی ہے۔ ادھر یاترا سے منسلک دیگر کاموں کو انجام دینے کے لیے بھی باضابطہ طور پر حکمت عملی وضع کی گئی ہے جس کے لیے پورے راستے پر بنیادی ڈھانچے کو مستحکم بنانے کے لیے اقدامات اٹھائے جا رہے ہیں۔
واضح رہے کہ اس سال کی امرناتھ یاترا 01 جون سے شروع ہوگی اور 15 اگست کو یہ اختتام پذیر ہو گی۔ سول انتظامیہ و شرائن بورڈ نے پہلے ہی یاترا کے خوشگوار انعقاد کے لیے سیکورٹی سمیت تمام تر انتظامات کو حتمی شکل دے دی ہے۔
امر ناتھ یاترا کے لیے پہلگام سے گپھا تک برف ہٹانے کے کام شروع
