سیاسی رہنماؤں پر پی ایس اے عائد کرنا جمہوریت کے منافی

جموں و کشمیر میں جہاں بدھ کے روز چند سیاسی رہنماؤں کو رہا گیا گیا لیکن بعدازاں ان کو نظر بند کیا گیا اور آج کئی سرکردہ سیاسی قائدین پر پبلک سیفٹی ایکٹ عائد کیا گیا۔

جے کے پی ایم کے سکریٹری راجہ محمود خان نے کہا ہے کہ سیاسی رہنماؤں کو قید کرنا غیر جمہوری عمل ہے۔ انہوں نے کہا ہمیں اُمید تھی کہ چھ ماہ قید میں رہنے کے بعد شاہ فیصل کو رہا کیا جائے گا لیکن اس کے برعکس مرکزی حکومت سیاسی رہنماؤں پر پی ایس اے عائد کر رہی ہے۔

انہوں نے ریاست میں نئی سیاسی جماعتوں کے وجود میں آنے پر کہا کہ یہ سب مرکز کے اشاروں پر چلنے والے لوگ ہیں۔ انہوں نے کہا ہر معاشرے میں ایسے لوگ ہوتے ہیں جو اقتدار کے خاطر اپنے اصولوں کا سودہ کرتے ہیں۔

انہوں نے مزید کہا جس طرح مرکزی حکومت ریاست کے حالات کو سنبھال رہی ہیں وہ حیران کن ہے۔