وادی کشمیر میں برفباری کی وجہ سے ہر شعبہ متاثر ہو رہا ہے اور باغیچوں کو کافی نقصان پہنچا ہے۔
اس سلسلے میں مقامی لوگوں نے الزام عائد کرتے ہوئے کہا ہے کہ اگرچہ شدید برفباری سے ہوئے نقصان سے حکومت واقف ہے لیکن ابھی تک ہارٹیکلچر کا کوئی بھی آفیسر یا ضلع انتظامیہ کی جانب سے کوئی بھی ہماری مدد کے لیے نہیں آیا ہے۔
شوپیان: غیر متوقع بھاری برفباری سے عام زندگی مفلوج
مقامی لوگوں نے مزید کہا ہے کہ اس وقت محکمہ ہارٹیکلچر کے ملازمین کا کام تھا کہ وہ ہمارے باغیچوں میں ہوئے نقصان کا جائزہ لینے آتے لیکن آنا گوارا نہیں سمجھا۔
وہیں لوگوں نے لیفٹننٹ گورنر سے مداخلت کی اپیل کی ہے اور مطالبہ کیا ہے کہ بھاری برفباری سے ہوئے نقصانات کا تخمینہ لگا کر معاوضہ فراہم کیا جائے۔
