ریاست جموں کشمیر کے اننت ناگ ضلع کے کھنہ بل علاقے میں اچانک گولی کی آواز سنتے ہی لوگ میں خوف و ہراس پیدا ہو گیا۔
بتایا جاتا ہے کہ آج دوپہر نیشنل کانفرنس کے سینئر لیڈر و سابق ایم ایل سی ڈاکٹر بشیرویری کے سیکورٹی گارڈ کی بندوق سے اچانک گولی چل گئی اور سیکورٹی گارڈ زخمی ہو گیا۔
متعلقہ ویڈیو
زخمی سیکورٹی گارڈ کی شناخت جہانگیر احمد کے طور پر کی گئی ہے۔ سیکورٹی گارڈ کو ضلع ہسپتال اننت ناگ میں داخل کیا گیا۔
ڈاکٹروں نے زخمی سیکورٹی گارڈ کو مزید علاج کے لیے سری نگر کے شیر کشمیر میڈیکل انسٹیٹیوٹ روانہ کیا۔
واضح رہے یہ واقعہ اس وقت پیش آیا جب سابق وزیر اعلی عمرعبداللہ اننت ناگ میں ایک عوامی جلسے سے خطاب کرنے والے تھے۔
