بانڈی پورہ میں سرچ آپریشن جاری

شمالی کشمیر کے ضلع بانڈی پورہ کے شاہ گنڈ سوناواری میں سکیورٹی فورسز کی جانب سے تلاشی مہم جاری ہے۔

اطلاعات کے مطابق پولیس، ایس او جی اور فوج کی ایک مشترکہ ٹیم نے حاجن قصبے کے شاہ گنڈ علاقے کو محاصرے میں لیا اور تلاشی کارروائی شروع کی۔ سکیورٹی فورسز نے علاقے میں تمام خارجی و داخلی راستوں کو سیل کردیا ہے۔

ذرائع کے مطابق سکیورٹی فورسز کو علاقے میں عسکریت پسندوں کے چھپے ہونے کی خفیہ اطلاع موصول ہوئی جس کے بعد انہوں نے فوراً علاقے کو محاصرے میں لیا اور سرچ آپریشن شروع کیا ہے۔


مزید تفصیلات کا انتظار ہے ۔