شوپیان: تیسرے روز بھی 'سرچ آپریشن' جاری

جموں و کشمیر کے جنوبی ضلع شوپیاں کے امشی پورہ گاؤں میں سکیورٹی فورسز کی جانب سے بدھ کی سہہ پہر 3 بجے سے تلاشی مہم شروع کی گئی اور تیسرے روز بھی یہ سلسلہ جاری ہے۔

پولیس ذرائع کے مطابق فوج کی 62 آر آر، سی آر پی ایف کی 14 بٹالین اور جموں و کشمیر پولیس نے مشترکہ طور پر بدھ کو ضلع شوپیاں کے امشی پورہ گاؤں کو سخت ترین محاصرے میں لے لیا اور تلاشی کارروائی شروع کر دی جو آج تیسرے روز بھی جاری ہے۔

سکیورٹی فورسز نے عسکریت پسندوں کے چھپے ہونے کی مصدقہ اطلاع ملنے پر علاقے کو محاصرے میں لیا ہے۔

فورسز نے علاقے کے سبھی راستوں کو سیل کر دیا ہے اور گھر گھر تلاشی کارروائی جاری ہے۔ باریک بینی سے علاقے میں گزشتہ تین روز سے کارروائی جاری ہے۔ اس دوران لوگ اپنے گھروں میں ہی رہنے کے لیے مجبور ہیں۔ کسی کو گاؤں سے باہر یا گاؤں میں داخل ہونے کی اجازت نہیں دی جارہی ہے۔