کینسر کے متعلق شعور اجاگر کرنے اور اس کی روک تھام و تشخیص اور علاج کرنے کے لئے ڈسٹرکٹ ہسپتال ادھم پور نے سری ماتا واشنو دیوی نارائن ہسپتال کے اشتراک سے کینسر کے عالمی دن کے موقع پر کینسر اسکریننگ کیمپ کا انعقاد کیا۔
کینسر کے عالمی دن پر ادھم پور میں اسکریننگ کیمپ کا اہتمام
اسکریننگ کے لئے ضلع کے مختلف بلاکس کی خواتین کی ایک بڑی تعداد موجود تھی۔ نارائن ہسپتال کے ڈاکٹروں کی خصوصی ٹیم نے خواتین کی تشخیص کی۔
اس موقع پر خطاب کرتے ہوئے ڈاکٹر وجئے بسنوترا نے کہا کہ عالمی یوم کینسر کا بنیادی ہدف کینسر کی وجہ سے ہونے والی پریشانیوں اور اموت کو نمایاں طور پر کم کرنا ہے اور اس مقصد کے لئے پورے ضلع میں اسکریننگ کے متعدد کیمپز لگائے گئے ہیں۔
