ضلع پولیس لائن رامبن میں ڈپٹی انسپکٹر جنرل ڈی کے آر رینج ادئے بھاسکر بلا کی جانب سے پولیس دربار کا اہتمام کیا گیا۔ انہوں نے پولیس افسران و اہلکاروں کے ساتھ دربار میں تفصیلی بات چیت کی اور ان کے مسائل سنے۔ اس موقع پر خاتون پولیس اہلکاروں کے درمیان اسکوٹی تقسیم کی گئی۔
دیکھیں ویڈیو
اس دوران انہوں نے پولیس جوانوں کی کورونا وائرس کے پھیلاؤ کو روکنے میں اہم کردار ادا کرنے پر ان کے کام کی ستائش کی۔
تقریب میں ڈی آئی جی نے خواتین پولیس کے کام کو مزید فعال بنانے کیلئے رامبن کے سبھی تھانوں میں اسکوٹی بھی فراہم کی تاکہ پولیس خواتین کے خلاف کسی بھی طرح کے ظلم و تشدد کو روکنے کے لئے بروقت کارروائی عمل میں لانے کے لئے جائے وقوع پر پہنچ سکے۔
پولیس دربار میں ایس ایس پی رامبن پی ڈی نیتیا ایس ڈی پی او بانہال، گول و تمام پولیس تھانہ کے ایس ایچ او بھی اس میں شامل رہے۔
