جموں وکشمیر کے ضلع پلوامہ میں کیندریہ ودیالیہ کے قیام کی انتظامیہ نے ہری جھنڈی دے دی ہے۔ اس ضمن میں ای ٹی وی بھارت کو ذرائع سے معلوم ہوا ہے کہ یو ٹی ایڈمنسٹریٹو کونسل نے اپنے اختیارات استعمال کرتے ہوئے جنوبی کشمیر کے چندھارا پامپور میں ساٹھ کنال کاہچرائی اسکول ایجوکیشن ڈیپارٹمنٹ کو وقف کرنے کا فیصلہ کیا ہے، جہاں پر ایک کیندریہ ودیالیہ تعمیر کیا جائے گا۔
مقامی لوگوں نے انتظامیہ کی اس پہل کو خوش آئند قرار دیتے ہوئے امید ظاہر کی کہ ہے کہ ایسا تعلیمی ادارہ وادی کے ساتھ ضلع پلوامہ میں تعلیمی میدان میں ایک سنگ میل ثابت ہوگا تاہم ایڈمنسٹریٹو کونسل کے اس فیصلے کے بارے میں مقامی انتظامیہ ابھی بے خبر ہے۔
ایڈشینل ڈپٹی کمشنر اونتی پورہ ظفر شال نے ای ٹی وی بھارت کو فون پر بتایا کہ ابھی انھیں اس بارے میں تفصیلات نہیں دی ہے۔
