برف پگھلنا شروع ہوتے ہی رابطہ سڑکیں تالاب کی شکل اختیار کر چکی ہیں۔
ضلع اننت ناگ کے جبلی پورہ، ہرناگ اور دیگر مختلف مقامات پر برف پگھل کر بہنے والا پانی شاہراہ پر جمع ہو گیا ہے جس کی وجہ سے نہ صرف ٹرانسپورٹ میں رکاوٹیں حائل ہو رہی ہیں بلکہ راہگیروں، مکینوں اور دکانداروں کی عوامی زندگی مفلوج ہو گئی ہے۔
کئی مقامات پر رابطہ سڑکوں پر کافی پانی جمع ہونے سے راہگیروں کو کوئی متبادل راستہ اختیار کرنا پڑ رہا ہے۔
سڑکیں زیر آب ہونے سے لوگوں کو مشکلات کا سامنا
عام لوگوں اور دکانداروں کا کہنا ہے کہ برف پگھلنے کے ساتھ ساتھ جمع شدہ پانی میں بھی اضافہ ہو رہا ہے جس کی وجہ سے پانی ان کی دکانوں اور مکانوں کے اندر داخل ہو رہا ہے۔
یہ بھی پڑھیں:ڈوڈہ ۔ بھرت روڈ خستہ حالی کا شکار، عوام پریشان
انہوں نے انتظامیہ سے نشیبی علاقوں میں پمپس نصب کر کے پانی نکالنے کی اپیل کی ہے۔
