دو مشتبہ افراد میں سے ایک نے اس کے لئے انتظامیہ پر الزام عائد کیا ہے۔ انہوں نے الزام عائد کرتے ہوئے کہا کہ انتظامیہ کی لاپروائی کا نتیجہ ہے جو وہ لوگوں کی زندگیوں سے کھیل رہا ہے۔
ایک 27 سالہ نوجوان سہیل مقبول نے اس الجھن کی غلطی کا ذمہ دار انتظامیہ کو ٹھہرایا اور اپنے خاندان کو اس وائرس کے خطرے سے دوچار کرنے کا الزام لگایا۔
واقعات کے بارے میں تفصیلات فراہم کرتے ہوئے انہوں نے کہا کہ وہ 16 مئی کو نئی دہلی سے آئے تھے اور اس کے بعد انہیں بارہمولہ کے پبلک اسکول میں قائم قرنطینہ مرکز میں رکھا گیا تھا اور 18 مئی کو قرنطینہ مدت مکمل ہوئی تھی۔'
انہوں نے کہا کہ ایک سرٹیفکٹ کووڈ 19 کے تصدیق نامہ کے ساتھ ان کے حوالے کیا گیا تھا جس پر بی ایم او بارہمولہ کی مہر ہے۔ تاہم گھر پہنچنے پر انہیں متعلقہ طبی افسر کی جانب سے ایک کال موصول ہوا جس پر انہوں نے اس بات کی اطلاع دی کہ غلط رپورٹ ان کے حوالے کی گئی ہے۔'
انہوں نے کہا کہ 'مجھے بی ایم او شیری بارہمولہ اور ایس ایچ او کرالہ گنڈ نے کہا کہ آپ کا کورونا وائرس کا ٹیسٹ مثبت پایا گیا ہے۔ میں حیران رہ گیا تھا کیونکہ مجھے قرنطینہ مدت مکمل کرنے کے بعد منفی سرٹیفکیٹ دیا گیا تھا۔'
انہوں نے کہا کہ 'دوسرے شخص کی سفری تاریخ کے بارے میں بھی ایک الجھن ہے۔ وہ کہہ رہا ہے کہ اس کا نمونہ سرینگر میں جمع کیا گیا تھا لیکن حقیقت یہ ہے کہ اس کا نمونہ جموں توی ریلوے اسٹیشن پر جمع کیا گیا تھا ۔'
