قرنطینہ مراکز میں قیام پذیر افراد میں کھانے پینے کی چیزیں تقسیم

جنوبی کشمیر کے ضلع اننت ناگ کے سیر ہمدان میں قرنطینہ میں رکھے گئے افراد تک اشیائے خوردو نوش فراہم کرنے کی غرض سے مقامی نوجوانوں کی تنظیم ویلفیئر کمیٹی اقدامات اٹھا رہی ہیں۔

اس دوران قرنطینہ مراکز میں قیام پذیر لوگوں کو ماہ رمضان کے ایام میں بھی سحری اور افطاری کے اوقات میں کھانے پینے کی چیزیں فراہم کی گئی تھیں۔ اور عید کے روز بھی کھانے پینے کا انتظام کیا گیا تھا۔

منتظمین کا کہنا ہے کہ یہ قدم کووڈ انفیکشن کے پھیلاؤ کو روکنے کے ساتھ ساتھ انسانی نقطہ نظر سے بھی اہم ہے۔

وہیں اننت ناگ کے براکپورہ اور سیر ہمدان سمیت دیگر علاقوں سے قرنطینہ مراکز میں قیام پذیر لوگوں نے مراکز میں سہولیات کے فقدان کا الزام لگاتے ہوئے انتظامیہ سے اقدامات اٹھانے کی اپیل کی ہے۔