مستحق افراد میں راشن کے کٹس تقسیم

محکمہ ہاؤسنگ اینڈ اربن ڈیولپمنٹ اور، کال فار ہیلپ نامی، ایک غیر سرکاری تنظیم کے اشتراک سے ضلع اننت ناگ کے قصبہ بجبہاڑہ میں مستحق افراد میں راشن کے کٹس تقسیم کئے گئے۔

متعلقہ محکمہ کے ملازمین اور غیر سرکاری تنظیم سے وابستہ رضاکاروں نے اس مہم کے دوران گھر گھر جا کر ضرورت مند افراد مین اشیاء خوردنی سے بھرے کٹس تقسیم کئے۔

ای ٹی وی بھارت سے بات کرتے ہوئے تنظیم کے جنرل سیکریٹری نے کہا کہ ان کی جانب سے گزشتہ کئی ہفتوں سے یہ مہم جاری ہے۔

پہلے مرحلہ کے دوران انہوں نے دو سو پچاس جبکہ آج دوسرے مرحلہ کے تحت ایک سو پچاس مستحق خاندان تک راشن کے کیٹس پہنچائے گئے۔ انہوں نے کہا کہ مستقبل میں بھی یہ مہم جاری رہے گی۔ جس دوران ہر مستحق اور ضرورت مند افراد تک راشن پہنچایا جائے گا۔ تاکہ لاک ڈاون اور مقدس ماہ مبارک کے دوران کوئی غریب بھوکا نہ رہے۔