ریاست جموں و کشمیر میں یہ خدمات مزاحمتی قیادت کی طرف سے حزب المجاہدین کے رکن برہان وانی کی تیسری برسی کے موقع پر ہڑتال کی کال کے پیش نظر پیر کو ایک دن کے لیے معطل کر دی معطل کی گئی ہے۔
ریلوے کے ایک سینیئر عہدے دار نے بتایا کہ ہم نے ریاستی پولیس کے مشورے پر آج چلنے والی تمام ٹرینز کی خدمات کو معطل کردیا ہے۔
انہوں نے بتایا کہ بارہ مولہ اور سرینگر سمیت سرینگر اور بانہال کے درمیان بھی کوئی ٹرین نہیں چلے گی۔
انہوں نے بتایا کہ ریل خدمات کی معطلی کا مقصد ریلوے املاک اور مسافروں کو نقصان سے بچانا ہے۔
خیال رہے کی روزانہ کی بنیاد پر ہزاروں مسافر ریل گاڑیوں کے ذریعے سفر کرتے ہیں۔
خیال رہے کہ اگرچہ ریل گاڑیوں کو کشمیر میں آمد و رفت کا سستا ذریعہ سمجھا جاتا ہے تاہم ریل خدمات کی بار بار معطلی کی وجہ سے مسافروں کو شدید مشکلات کا سامنا کرنا پڑتا ہے۔
یاد رہے کہ سن 2016 میں بھی وادی میں ریل خدمات تقریباً چھ مہینوں کے لیے معطل کردی گئی تھی۔
