کانگریس رہنما سُومت منگوترا کی صدارت میں گول مارکیٹ میں کاروباریوں کے ساتھ جمع ہو کر بریج گوپال کنسٹرکشن کمپنی جنہوں نے دیویکا پروجیکٹ کا کام لیا ہے اس کا پتلا نذر آتش کیا اور رکن پارلیمان ڈاکٹر جتیندر سنگھ کے خلاف نعرے بازی کی۔ موقع پر کانگریس کے سینیئر رہنما برج موہن شرما بھی موجود تھے۔
سُومت منگوترا نے لوگوں کو خطاب کرتے ہوئے کہا کہ دیویکا پروجیکٹ کے ذریعے شہر میں جو سیوریج کا کام چل رہا ہے اس کو لے کر پورے شہر کے لوگ کافی پریشان ہیں۔ کیونکہ اس پروجیکٹ کے تحت شہر کے سبھی وارڈس اور سڑکوں کو اکھاڑ دیا گیا ہے۔ جو عام لوگوں کے لئے مصیبت بنی ہوئی ہے۔
انہوں نے رکن پارلیمان پر تنقید کرتے ہوئے کہا کہ وہ دیویکا میں آکر فوٹو کھنچوا کر چلے جاتے ہیں تو کیا وہ ضروری نہیں سمجھتے ہیں کہ وہ زمین پر پہنچ کر کام کو دیکھیں۔
اگر جلد ہی خراب کی گئی سڑکیں اور گلیوں کو درست نہیں کیا گیا تو آنے والے دنوں میں کمپنی کے خلاف احتجاج کیا جائے گا۔
