گاندربل پولیس نے ایک مثال قائم کرتے ہوئے ہوئے اپنے ہی محکمے کے ایک پولیس اہلکار کو کو رنگے ہاتھوں نشیلی ادویات کے ساتھ گرفتار کیا ہے۔
پولیس ترجمان نے کہا کہ گاندربل کے کرہما علاقے سے مصدقہ اطلاع ملنے پر پولیس نے ایک چھاپے کے دوران پولیس اہلکار کو رنگے ہاتھوں گرفتار کیا جن سے چند نشیلی ادویات ضبط کیے گئے۔ تاہم پولیس نے جب ان کی تفتیش کی تو ممنوعہ کف سیرپ کوڈین فوسپیٹ کی بوتلیں بڑی مقدار میں ان کے گھر سے برآمد کی۔
پولیس نے کہا کہ 800 کوڈین فوسپیٹ کی بوتلیں پولیس اہلکار کے گھر سے برآمد کی گئی ہے۔
ایس ایس پی گاندربل نے کہا کہ ' معاشرہ اور نوجوانوں کو تباہ کرنے میں جس کسی کا بھی ہاتھ ہوگا اسے بخشا نہیں جائے گا ۔'
انہوں نے کہا کہ ملوث افراد کی جائیدادکو بھی ضبط کیا جا سکتا ہے اور عوام سے اپیل کی ہے کہ ایسے لوگوں کے خلاف اپنی آواز اٹھائیں اور پولیس کا ساتھ دیں۔
مقامی لوگوں نے پولیس کی اس کوشش کی ستائش کرتے ہوئے کہا کہ ایس ایس پی گاندربل اپنے وعدے کے مطابق محمکہ میں جاری بدعنوانی کو ختم کرنے میں کوشاں ہیں۔
عوام نے پولیس سے ایسی کارروائیاں جاری رکھنے کی اپیل کی ہے۔
