'پولیس نو منتخب ڈی ڈی سی امیدواروں پر دباؤ ڈال رہی ہے'

پی ڈی پی صدر اور سابق وزیر اعلیٰ محبوبہ مفتی نے ایک بار پھر الزام عائد کرتے ہوئے کہا کہ 'کچھ پولیس افسران نو منتخب ڈی ڈی سی ممبرز پر وفاداریاں تبدیل کرنے کے لئے دباؤ ڈال رہے ہیں'۔

انہوں نے کہ 'ستم ظریفی یہ ہے کہ پولیس اہلکار سودا بازی کرنے والوں کا رول ادا کر رہے ہیں'۔

موصوفہ نے اپنے ایک ٹویٹ میں کہا: ’جموں وکشمیر پولیس نے پی ڈی پی کی دو خاتون ڈی ڈی سی ممبرز کو سکیورٹی کے نام پر ٹنگ مرگ منتقل کیا ہے، پولیس اعلیٰ ارباب اقتدار کے احکامات کو عملی جامہ پہنا رہی ہے، میں متحیر ہوں کہ پولیس اہلکار سودا بازی کرنے والے بن گئے ہیں‘۔

قبل ازیں محبوبہ مفتی نے بی جے پی پر الزام لگایا تھا کہ وہ نو منتخب ڈی ڈی سی ممبروں کو وفاداریاں تبدیل کرنے کے لئے پولیس اور پیسے کا استعمال کر رہی ہے۔