'عمر عبداللہ چاکلیٹ بوائے'

پیپلز کانفرنس کے چیئرمین سجاد غنی لون آج عمر عبداللہ پر الگ طریقے سے حملہ آور ہوئے۔ انہوں نے راست الزام لگاتے ہوئے کہا کہ عمر عبداللہ کے بی جے پی کے ساتھ اچھے تعلقات ہیں۔'

سجاد غنی لون نے کہا کہ 'بی جے پی کے دور حکومت میں عمر عبداللہ جونئر وزیر خارجہ تھے۔ تب بی بی جے پی کے منشور میں دفعہ 370 اور 35 اے کو ہٹانا تھا۔ میرا یہ سوال ہے کہ تب چاکلیٹ باوئے عمر عبداللہ نے اس بارے میں بات کیوں نہیں کی۔'

واضح رہے کہ سجاد غنی لون ضلع کپواہ کے تین روزہ دورے پر ہیں، اس دوران انہوں نے کیرالہ پورہ، اور ہندواڑہ کا دورہ کرکے پارٹی کارکنان سے ملاقات کی۔

سجاد غنی لون نے پارٹی کارکنان کا شکریہ ادا کیا جنہوں نے پارلیمان انتخابات میں حصہ لیا۔

آج سجاد غنی لون نے ہندواڑہ میں واقع اپنے رہائش گاہ میں کئی کارکنان سے ملاقات کی۔

اس موقع پر کپواڑہ کے سابق رکن پارلیمان بشیر احمد ڈار، عاشق حسین، دسٹرکٹ کاڈینٹر عبدالاحد کشمیری، کے علاوہ دیگر کارکنان موجود رہے۔