سوپور: مقامی لوگوں کا صفائی مہم چلانے کا مطالبہ

شمالی کشمیر کے ضلع بارہمولہ کے سوپور قصبہ سے محض پندرہ کلومیٹر کی دوری پر واقع بعمئی زنگیر علاقے کے لوگوں نے انتظامیہ سے سخت ناراضگی کا اظہار کیا ہے۔

بعمئی زنگیر علاقے کے لوگوں کا کہنا ہے کہ کورونا وائرس سے محفوظ رہنے کے لیے انتظامیہ ہر علاقے میں جراثیم کش ادویات کا چھڑکاؤ کر رہا ہے لیکن ان کے اس گاؤں کو بالکل نظر انداز کیا گیا ہے۔

ای ٹی وی بھارت کے ساتھ بات کرتے ہوئے مقامی لوگوں نے کہا کہ ' زنگیر بعمئی علاقہ، ایک وسیع علاقے ہے لیکن انتظامیہ صرف قصبوں میں ادویات کا چھڑکاؤ کر رہا ہے۔ آج تک ہمارے علاقے اور اس کے گرد نواح کے علاقوں میں ایک بھی بار ادویات کا چھڑکاؤ نہیں کیا گیا۔

انہوں نے مزید کہا کہ' کیا ہم انسان نہیں ہیں اور کیا ادوایات صرف قصبوں تک ہی محدود ہے۔'

انہوں نے مطالبہ کیا ہے کہ'ہمارے گاؤں میں بھی ضلع انتطامیہ کی جانب سے کورونا وائرس سے بچنے کے لیے سینیٹائزیشن کا عمل شروع کیا جائے ۔'