مسلسل برف باری کی وجہ لوگ گوناگوں مشکلات سے دوچار ہو گئے ہیں۔ اکثر دیہی علاقوں میں لوگوں کو بجلی کے ساتھ ساتھ پینے کے پانی کے حوالے سے بھی مشکلات کا سامنا کرنا پڑ رہا ہے۔
عوام کو شیدید سردی میں بجلی اور پانی کی مشکلات درپیش
اگرچہ ضلع صدر مقام اننت ناگ میں آج دو دن کے بعد بجلی سپلائی کو بحال کر دیا گیا تاہم کئی علاقے ابھی بھی گھپ اندھیرے میں ہیں۔
جبکہ کئی علاقوں میں بجلی ٹرانسفارمرز کی خرابی کی وجہ سے بجلی سپلائی مکمل طور پر منقطع ہو گئی ہے۔
ادھر اننت ناگ قصبہ کے کئی مقامات پر پانی جمع ہونے کی وجہ سے لوگوں کو چلنے پھرنے میں مشکلات پیش آ رہی ہیں۔ اکثر علاقوں سے لوگوں نے ایل، پی، جی و دیگر اشیاء کے مکمل خاتمے کی شکایت کی ہے۔
لوگوں نے ڈی سی اننت ناگ سے اس حوالے سے فوری اقدامات اٹھانے کی اپیل کی ہے۔
