رامبن میں عوام کو مشکلات کا سامنا

جموں و کشمیر کے ضلع رامبن میں میونسپل کمیٹی اور پاور ڈیولپمینٹ محکمہ ایک دوسرے پر الزام عائد کر رہے ہیں جس کی وجہ سے عوام کی مشکلات میں اضافہ ہوتا جارہا ہے۔

ضلع میں بجلی سپلائی کے لیے بجلی کے کھمبوں اور تاروں کی دہائیوں سے مرمت نہیں کی جا سکی ہے تو دوسری جانب مکانات میں بے تحاشہ اضافہ کی وجہ سے ٹاؤن پلاننگ محکمے کے تمام ضوابط کو نظرانداز کیا گیا ہے۔

مقامی لوگوں نے کہا کہ 'محکمہ سے کئی بار کھمبوں اور تاروں کی مرمت کرنے کی گزارش کی گئی لیکن معاملہ جوں کا توں ہے۔ لوگ بچوں کو اسکول بھیجنے سے کتراتے ہیں ہمیشہ تار گرنے کا خدشہ رہتا ہے۔'

اس سلسلے میں ای ٹی وی بھارت نے میونسپل کمیٹی کے صدر امیت گپتا سے وضاحت طلب کی تو انہوں نے کہا کہ 'بہت جلد عوام کی مشکلات کو حل کیا جائے گا۔'