جموں و کشمیر: پاکستان نے کی جنگ بندی کی خلاف ورزی

جموں و کشمیر کے سرحدی علاقے پونچھ کے بالا کوٹ میں پاکستان نے بھارتی چوکیوں کو نشانہ بنایا، جس میں چند فوجی جوان زخمی ہوئے ہیں۔

بالا کوٹ میں گذشتہ شب 12:30 بجے پاکستان نے بھارتی چوکیوں کو نشانہ بنایا۔بھارتی فوج نے بھی جوابی کاروائی کی، جو ابھی تک جاری ہے۔

دونوں افواج کے درمیان گولیوں اور موٹر شیلنگ کا تبادلہ جاری ہے۔ جس سے پورے علاقے میں تشویش کی لہر دوڑ گئی ہے۔

واضح رہے کہ بھارت اور پاکستان کے درمیان کشیدگی اس وقت مزید بڑھ گئی جب گزشتہ ماہ مرکزی حکومت نے ریاست کو حاصل خصوصی آئینی حیثیت ختم کرنے کا فیصلہ کیا اور ریاست کو دو حصوں میں تقسیم کرکے مرکز کے زیر انتظام علاقے بنانے کا اعلان کیا۔