جموں و کشمیر کے سرحدی ضلع پونچھ کے شاہ پور اور کیرنی سیکٹرز (لائن آف کنٹرول) پر ایک بار پھر پاکستانی افواج نے جنگ بندی کی خلاف ورزی کرتے ہوئے بھارتی چوکیوں کو نشانہ بنایا۔
ذرائع کے مطابق پاکستانی افواج نے چھوٹے اور درمیانہ درجہ کے ہتھیاروں کا استعمال کیا۔ تازہ فائرنگ کی وجہ سے لوگوں میں خوف و ہراس پھیل گیا ہے۔
فوجی ذرائع کے مطابق پا کستانی افواج نے سرحدی ضلع پونچھ کے شاہ پور اور کیرنی سیکٹرز میں بھارتی چوکیوں کو نشانہ بنانے کی غرض سے فائرنگ کی جس کا بھارتی افواج نے معقول جواب دیا۔
اطلاعات کے مطابق فائرنگ کی وجہ سے کسی بھی جانی یا مالی نقصان کی کوئی اطلاع نہیں ہے۔ آخری اطلاعات موصول ہونے تک دونوں جانب سے شدید گولہ باری جاری تھی۔
واضح رہے گزشتہ چار روز سے پاکستان لگاتار پونچھ علاقہ میں بھارتی چوکیوں کو نشانا بنا رہا ہے۔ یہ کشیدگی اس وقت سامنے آئی ہے جب امریکی صدر ڈونلڈ ٹرمپ بھارت کے دو روزہ دورے پر آئے ہوئے ہیں۔
