نیشنل کانفرنس کے سینئر رہنما نے بی جے پی پر سخت تنقید کرتے ہوئے کہا کہ ضلع گاندربل کے تین حلقوں میں عوامی اتحاد برائے گپکار اعلامیہ کے امیدواروں کی جیت ہوگی۔
نیشنل کانفرنس کے ضلع صدر فیاض احمد بابا نے ای ٹی وی بھارت کے نمائندے کے ساتھ ایک بات چیت کے دوران کہا کہ فرقہ پرست طاقتوں اور مذہب کے نام پر تقسیم کرنے والوں کو کشمیر کی عوام سخت جواب دے گی۔
فیاض احمد بابا نے بی جے پی کو تنقید کا نشانہ بناتے ہوئے کہا کہ کا ایک مخصوص پارٹی کے امیدواروں کو تمام تر سہولیات دستیاب رکھنے کے علاوہ معقول سیکیورٹی فراہم کی گئی۔جبکہ اس کے برعکس ان کے امیدواروں کو سیکیورٹی کا بہانہ بنا کر ہوٹلوں کے کمروں تک محدود کیا جارہا ہے۔
تاہم ان سب کے باوجود جیت پی اے جی ڈے کے امیدواروں کی ہی ہو گی۔
بات چیت کے دوران انہوں نے کہا کہ دفعہ 370اور 35اے کی منسوخی کے بعد جس طرح یہاں کی تمام سیاسی پارٹیاں تشخص کی بحالی کے لیے متحد ہوگی ہے اسی طرح اب عوام کو بھی بالغ نظری کا مظاہرہ کرکے بی جے پی جیسی فرقہ پرست جماعت کو دور رکھنا ہوگا۔
