پولیس زرائع کے مطابق قومی شاہراہ پر رامبن کے نزدیک بندر موڑ کے پاس آج علی الصبح وادی کشمیر کی طرف جارہے ایک مال بردار ٹرک جس میں بکرے لوڈ تھے۔ شاہراہ سے پھسل کر 500 میڑ گہرے نالے میں جا گرے۔
جس کے نتیجے میں ڈرائیور سمیت درجنوں بھیڑ موقع پر ہلاک ہو گئیں۔ جبکہ ہیلپر شدید طور زخمی ہو گیا۔
زخمی کو پولیس نے ضلع ہسپتال میں علاج کے لیے منتقل کر دیا۔ جہاں ڈاکٹرز نے ابتدائی علاج کے بعد گورنمنٹ میڈیکل کالج و ہسپتال جموں ریفر کر دیا۔
میڈیکل سپرنٹنڈنٹ ڈسٹرکٹ ہسپتال رامبن کے ڈاکٹر او پی نے ای ٹی وی بھارت سے بات کرتے ہوئے بتایا کہ شدید زخمی فرید احمد (42) کو علاج کے لیے جموں منتقل کیا گیا ہے۔
وہیں ہلاک ہونے والے ڈرائیور اجے کمار (22) ولد اندر چند ساکنہ رام نگر ادھم پور کی لاش کو پوسٹ مارٹم ے کے بعد وارثین کے حوالے کر دیا گیا ہے۔
رامبن پولیس نے کیس درج کر کے تحقیقات شروع کر دی ہے۔
