کانفرنس کے حاشئے پر سابق ڈپٹی ڈائریکٹر ریڈیو کشمیر سرینگر اور معروف کشمیری شاعرہ رخسانہ جبین نے ای ٹی وی بھارت سے بات کی اور کشمیری زبان و ادب کے تئیں خواتین کا کیا رول ہے اس پر اپنے خیالات کا اظہار کیا۔
رخسانہ جبین صاحبہ کا کہنا تھا کہ' کشمیری زبان و ادب کے تئیں کشمیر کی خواتین بھی مردوں کے شانہ بہ شانہ اپنا کردار ہمیشہ سے نبھاتی آرہی ہیں۔'
انہوں نے کہا کہ 'کشمیر کی للۃدید اور حبہ خاتون جیسی خواتین شعرا کا نام پورےملک میں تاریخ کے اوراک میں سر فہرست ہیں۔ '
صنف نازک کے ساتھ ہورہے امتیازی سلوک کے ایک سوال کے جواب مین ان کا کہنا تھا کہ ایسی شکایت آئے دن منظر عام پر آتی ہیں تاہم زبان و ادب کے شعبے میں ایسا بہت کم دیکھنے کو ملتا ہے۔
ان کا کہنا تھا کہ کشمیر میں خواتین شعرائی جو کلام لکھتی ہیں اس کو نہ صرف پڑھا جاتا ہے بلکہ داد بھی دی جاتی اور اس طرح سے یہاں خواتین کی کافی حوصلہ افزائی ہوتی ہے۔ انہوں نے کہا کہ وہ بے حد خوش ہیں کہ اس شعبے میںاب نوعمر لڑکیا سامنے آرہی جن کو راہ دکھانے کی ضرورت ہے۔
