ضلع شوپیان میں مارے گئے دو عسکریت پسندوں کی ہلاکت کے تین روز بعد ضلع شوپیان میں صورتحال معمول پر آگئی ہے، جبکہ انٹرنیٹ سروس بھی بحال کر دی گئی۔
جمعہ کے روز ضلع کے رتنی پورہ نامی گاؤں میں خونریز تصادم آرائی میں دو عسکریت ہلاک ہو ئے تھے۔ سرچ آپریشن کے دوران مظاہرین اور فورسز کے بیچ ہوئے جھڑپ میں 20 سے زائد افراد اور ایک پولیس اہلکار بھی زخمی ہوئے تھے۔
ضلع شوپیان میں عام زندگی بحال
ضلع میں آج 3 روز بعد صورتحال معمول پر آگئی۔ بازاروں میں لوگوں کی کافی بھیڑ دیکھنے کو ملی۔
تین روز تک سنسان پڑی سڑکوں پر گاڑیوں کی بھیڑ دیکھنے کو ملی۔کئی جگہوں پر ٹریفک جام بھی لگا ہوا تھا۔ مواصلاتی کمپنیوں کی تیز رفتار والی تھری جی اور فور جی انٹرنیٹ خدمات بھی بحال کر دی گئی۔
