اننت ناگ : قبائلی خانہ بدوشوں کا دربار مو۔۔۔۔

مہلک بیماری کووڈ 19 کے پھیلاؤ کی وجہ سے رواں برس قبائلی خانہ بدوشوں کی سالانہ نقل و حمل تاخیر سے شروع ہوئی ہے۔

اگر چہ یہ مارچ کے مہینے میں ہی کشمیر کا رخ کرتے تھے۔ تاہم کورونا وائرس کی وجہ سے ملک گیر لاک ڈاؤن کے سبب رواں برس مائیگریشن میں تاخیر ہوئی۔

قبائلی خانہ بدوشوں کی یہ روایت دربار مو کی طرح ہے، صوبہ جموں کے مختلف علاقوں سے پیر پنچال اور اونچی برف سے ڈھکی چوٹیوں کو عبور کر کے وہ وادی کشمیر میں داخل ہو رہے ہیں۔ان کے واپس ہوتے ہی یہ جموں و کشمیر کے ضلع اننت ناگ کے پہلگام کی طرف رخ کرتے ہیں اور خیمہ لگا کر اپنی روزی روٹی کماتے ہے۔اگر چہ جموں و کشمیر انتظامیہ نے گزشتہ پندرہ روز کے دوران گجر بکروال برادری سے تعلق رکھنے والے خانہ بدوش قبائلوں کو ان کی سالانہ نقل و حمل کی سہولت کے لیے ہزاروں پاس جاری کیے ہیں۔تاہم رواں برس ان کی موجودگی کے بارے میں مقامی افراد خوفزدہ ہیں۔ انہیں ڈر ہے کہ خانہ بدوشوں سے کورونا پھیل سکتا ہے۔دوسری جانب قبائلی خانہ بدوشوں کا کہنا ہے کہ ' گورنمنٹ کی جانب سے پہلے باضابطہ طور ان کے ٹیسٹ کیے گئے اور اس کے بعد انہیں آگے جانے کی اجازت دی گئی ہے۔‎