کپواڑہ: چھاپہ ماری کے دوران کئی دستاویز ضبط

قومی تفتیشی ایجنسی ( این آئی اے )نے شمالی کشمیر کے ضلع کپواڑہ کے ہندوارہ قصبے میں کئی مکانوں پر چھاپا مارا۔

این آئی اے نے ہندوارہ کے جگر پورہ گاؤں میں کئی گھروں میں چھاپا مارا جس دوران 2 موبائل فونز، ایک لپ ٹاپ اور کئی دستاویز ضبط کیے گئے۔

اطلاعات کے مطابق مذکورہ ٹیم نے محکمہ بجلی میں بطور ملازم کام کر رہے جاوید احمد ڈار نامی شخص کے گھر پر چھاپا مارا جہاں سے دو موبائل فونز، ایک لیپ ٹاپ ،گاڑی کی آر سی، دو سم کارڈز، 5 بینک پاس بک، دو پین ڈرائیو اور کئی دستاویز ات ضبط کئے گئے۔

تاہم چھاپہ ماری کے دوران جاوید احمد ڈار گھر میں موجود نہیں تھے تاہم مذکورہ ٹیم نے دیگر کئی مکانوں کی تلاشی کی اور لوگوں سے پوچھ تاچھ بھی کی ۔