پلوامہ : مرکز کے زیر انتظام یوٹی جموں و کشمیر کے ضلع پلوامہ کے نیشنل کانفرنس کے ضلع دفتر میں ڈسٹرکٹ ورکنگ کمیٹی کا اجلاس منعقد ہوا جس میں ضلع سطح کے تمام کارکنان نے شرکت کی۔ اس اجلاس میں نیشنل کانفرنس کے ضلع صدر و سابق ایم ایل اے غلام محیدین میر ،سابق ایم ایل اے محمد خلیل بند کے علاؤہ پارٹی کے دیگر اراکین نے شرکت کی۔
اس موقع پر نیشنل کانفرنس کے ضلع صدر و سابق ایم ایل اے غلام محیدین میر نے کارکنان پر زور دیا گیا کہ وہ پارٹی کو زمینی سطح پر مظبوط کریں تاکہ آنے والے سبھی انتخابات میں پارٹی کو بھاری اکثریت سے جیت حاصل ہو۔اجلاس میں کارکنان کے مسائل کو بھی اجاگر کیا گیا جس کو حل کرنے کی یقین دہانی کراگئی گئی۔
غلام محیدین میر نے بات کرتے ہوئے کہا کہ ہمارے پارٹی سبھی انتخابات میں حصہ لینے کے لئے تیار ہے۔سرکاری کے بلند بانگ دعوے زمینی سطح پر کھوکھلے ثابت ہورہے ہے جبکہ اس وقت عوام کو طرح طرح کے مشکلات درپیش ہیں جن کو حل کرنے کے لئے بھرپور کوشش کریں گے۔
یہ بھی پڑھیں:LG Manoj Sinha on Property Tax: پراپرٹی ٹیکس کی رقم عوام پر ہی خرچ ہوگی، منوج سنہا
انہوں نے کہاکہ ہماری سیاسی جماعت کو عوام کی حمایت حاصل ہے ہمیں کسی بھی وقت اور حال میں انتخابات میں قسمت آزمانے کے لئے تیار ہیں۔وادی کی عوام نیشنل کانفرنس کی جانب امید بھری نظروں سے دیکھ رہی ہے۔
