انہوں نے کہا کہ پارٹی اعلی قیادت سے ملاقات کرنے کے بعد ہی آئندہ کے کاموں کو عمل میں لا سکتی ہے۔
جموں میں مقیم سینیئر رہنماؤں کی نقل و حرکت پر پابندیوں کو ختم کرنے کے فورا بعد شیر کشمیر بھون میں منعقد ایک ہنگامی اجلاس میں پارٹی نے ریاست میں سیاسی صورتحال کے حصول کا تفصیلی جائزہ لیا۔
صوبائی صدر دیویندر سنگھ رانا کے زیر صدارت اس جلاس میں جموں خطے کے ضلع صدور اور صوبائی کمیٹی کے عہدیداران سمیت سینیئر کارکنان نے شرکت کی۔
نیشنل کانفرنس کے رہنماؤں نے جموں و کشمیر میں گذشتہ دو ماہ کے دوران ہونے والی سیاسی پیشرفت کے پیش نظر صورتحال پر تشویش کا اظہار کیا۔
پارٹی رہنماؤں نے ڈاکٹر فاروق عبد اللہ اور نائب صدر عمر عبداللہ کے علاوہ سینیئر رہنماؤں اور مین اسٹریم سیاسی جماعتوں کے دیگر اعلی رہنماؤں کی مسلسل نظربندی پر سخت غم وغصے کا اظہار کیا۔
قرارداد میں ڈاکٹر فاروق عبد اللہ کی نظربندی پر شدید مذمت کی گئی۔ ڈاکٹر فاروق عبداللہ جو کہ ایک رکن پارلیمنٹ ہیں اور پانچ بار وزیراعلیٰ کے ساتھ ساتھ مرکزی وزیر بھی رہ چکے ہیں، ان پر پی ایس اے لگایا گیا ہے۔
