جموں و کشمیر میں آل انڈیا کشمیری مہاجر پنڈت سماج کے لوگوں نے اپنے مطالبات کے پیش نظر حکومت کے خلاف احتجاجی مظاہرہ کیا اور نعرے بازی بھی کی۔
واضح رہے کہ کشمیری مہاجر پنڈتوں کی مختلف تنظیموں اور انجمنوں کی جانب سے اس احتجاجی ریلی نکالی گئی، جس میں کثیر تعداد میں کشمیری پنڈتوں نے شرکت کی۔
تنطیم کے صدر آر کے بھٹ کا کہنا تھا کہ ہمارے اس احتجاج کا مقصد یہ کہ ہماری گھر واپسی ہوجائے، کیونکہ ہم ابھی بھی اپنے گھر یعنی کشمیر نہیں جا پارہے ہیں ہم حکومت سے درخواست کرتے ہیں کہ ہماری گھر واپسی کو یقینی بنایا جائے۔
خیال رہے کہ جموں و کشمیر میں کشمیری پنڈتوں نے سنہ 1989 میں ہجرت کرکے جموں اور ریاست کے باہر اقامت اختیار کرلی تھی۔
مرکزی حکومت نے مہاجر پنڈتوں کے لیے کی فلاحی سکیمز بھی عمل میں لائی تھیں، جس کے تحت ہزاروں مہاجر کشمیرویوں کو روزگار فراہم کیا گیا تھا۔
واضح رہے کہ کشمیری مہاجر پنڈتوں نے اپنے مطالبات کے پیش نظر آج جموں کے پریس کلب میں احتجاج کیا، اور اپنے مطالبات کے حق میں نعرے بازی کی۔
ان مہاجرین احتجاجیوں کا کہنا ہے کہ جب تک ان کے مطالبات پورے نہیں کیے جاتے اس وقت تک وہ اپنا احتجاج جاری رکھیں گے۔
