اطلاعات کے مطابق شوپیاں کے زینہ پورہ علاقے میں بدھ کی دوپہر کو نامعلوم بندوق بردار ایک دو دکان میں گھس گئے اور وہاں دو ادویات فرشوں پر فائرنگ کی جس کے نتیجے میں وہ شدید زخمی ہوئے۔
زخمی افراد کی شناخت عرفان احمد اور مظفر احمد کے بطور ہوئی ہے۔ وہ مبینہ طور پر پی ڈی پی کے ساتھ وابستہ تھے۔
ایک پولیس افسر نے واقعے کی تصدیق کرتے ہوئے کہا کہ زخمیوں کو علاج ومعالجے کے لئے نزدیکی ہسپتال منتقل کیا گیا جہاں سے ڈاکٹروں نے انہیں نازک حالت میں ضلع ہسپتال اننت ناگ ریفر کیا۔
انہوں نے کہا کہ واقعہ کے فوراً بعد فوج اور ایس او جی نے علاقے کو محاصرہ میں لے کر حملہ آوروں کی تلاش شروع کی ہے۔
دریں اثنا پی ڈی پی صدر محبوبہ مفتی نے فائرنگ کے اس واقعہ کی مذمت کی ہے۔
انہوں نے اپنے ایک ٹویٹ میں کہا 'شوپیاں میں پی ڈی پی ورکروں پر حملے کی مذمت کرتی ہوں۔ میں ان کی جلد صحتیابی کے لئے دعاگو ہوں۔ صرف وحشی عناصر ہی رمضان کے اس مہینے میں معصوم لوگوں کو قتل یا زخمی کرسکتے ہیں'۔
