یادو نے نیشنل ہیلتھ مشن امپلائز یونین کے مطالبہ کی حمایت کرتے ہوئے یہاں کہاکہ کورونا انفیکشن کے خلاف مستقل طبی عملوںکے ساتھ ٹھیکہ پر بحال ہزاروں طبی عملے بھی جدوجہد کر رہے ہیں۔ انہیں پورا یقین ہے کہ کورونا پر جیت یقینی ملے گی ۔
اپوزیشن لیڈر نے ریاستی حکومت سے مطالبہ کیا ہے کہ جس طرح کوروناکے خلاف لڑائی لڑنے والے مستقل طبی عملوں کو حکومت نے حوصلہ افزائی رقم دینے کی بات کہی ہے اسی طرح ٹھیکہ پر بحال طبی عملوں کو بھی حوصلہ ا فزائی رقم دی جائے ۔
انہوں نے ریاست میں زیادہ سے زیادہ کورونا جانچ مرکز بنانے کا مطالبہ کرتے ہوئے کہاکہ پہلے کم سے کم ہر ڈویژن اور پھر ضلع میں جانچ مرکز قائم کیاجائے ۔
غورطلب ہے کہ بہار حکومت نے نیشنل ہیلتھ مشن کے تحت نیشن چائلڈ ہیلتھ پروگرام ( آربی ایس کے ) کے 1637 اور مین اسٹریم میں کام کررہے 1384 آیوش ڈاکٹروں کے اعزازیہ میں اضافہ کر دیا ہے۔ ساتھ ہی اس کے لئے 75 کروڑ 41 لاکھ روپے الاٹ بھی کر دیا ہے ۔
