جنوبی کشمیر کے ترال علاقے میں جہاں ان دنوں بجلی کی آنکھ مچولی سے عوام پریشان ہے وہیں بجلی حکام نے علاقے میں بجلی سپلائی میں معقولیت لانے اور ٹرانسفارمرز کے بچاو کے لیے ایک مہم شروع کی ہے۔
اس مہم کے دوران گھروں میں غیر قانونی طور پر استعمال کرنے والے ہیٹرز اور بوایلرز کی ایک بڑی تعداد کو ضبط کیا گیا ہے اور محکمے کے آفیسر ان نے دعویٰ کیا ہے کہ بجلی چوری روکنے کے لیے اس مہم سے بجلی میں معقولیت آئی گئ ہے اور اس لیے یہ مہم جاری رکھی جائے گی۔
یہ مہم گزشتہ روز ٹاون ترال میں جاری رہی جبکہ اس سے قبل یہ مہم امیرآباد، ہفو نگین پورہ، لاڈییار اور دیگر دہیات میں شروع کی گئی تھی۔
اسسٹنٹ ایگزیکٹو انجینئر پی ڈی ڈی ترال محمد مقبول اہنگر نے ای ٹی وی بھارت کو بتایا کہ' بجلی چوری روکنے کے لیے یہ مہم گزشتہ پندرہ روز سے جاری ہے اور یہ مہم آگے بھی جاری رہے گی۔
انھوں نے عوام سے اپیل کی کہ وہ سرما میں بجلی کی فراہمی کو یقینی بنانے محکمے کے ساتھ تعاون کرنا چاہیے۔
