اننت ناگ میں مارشل آرٹ کا مقابلہ

ریاست جموں و کشمیر کے ضلع اننت ناگ میں 'فسٹ ڈسٹرکٹ جیت کون ڈو مارشل آرٹ چیمپئن شپ 2019 ' کا آغاز کیا گیا۔

چیمپئن شپ کا انعقاد جے کے اکیڈمی آف یونائٹڈ مارشل آرٹ ساؤتھ کشمیر کی جانب سے کیا گیا ۔

تین روزہ اس چمپئن شپ میں جنوبی کشمیر کے مختلف سرکاری و نجی اسکولوں کے 700طلبہ و طالبات شرکت کر رہے ہیں ۔

چیمپئن شپ کا افتتاح ایڈشنل ڈسٹرکٹ ڈیولپمنٹ کمشنر خواجہ نظیر احمد نے کیا ۔اس موقعہ پر اسسٹنٹ ڈیولپمنٹ کمشنر سید یاسر بھی موجود رہے۔جو مہمان خصوصی بھی تھے۔

چمپئن شپ کے پہلے مرحلے کے تحت آج اننت ناگ کے آ کسفورڈ پریزنٹیشن اسکول میں قریب 150 بچوں نے مارشل آرٹ مقابلہ میں شرکت کی۔

چیمپئن شپ کا مقصد بچوں کی صلاحیتوں کو اجاگر کرکے انہیں بہتر پلیٹ فارم مہیا کرنا اور نوجوانوں کو منشیات و دیگر برائیوں سے دور رکھنا ہے۔

اس موقعہ پر مہمان خصوصی کو تہنیت پیش کی گئی ۔