جنوبی کشمیر کے ضلع پلوامہ کے ترال میں ہوئی تازہ برفباری کے بعد اگرچہ امیرآباد، کانجی ناگ، کچھلمن اور دوسرے مقامات پر پھسلن پیدا ہونے سے درجنوں گاڑیاں درمانده ہوئی ہے وہیں چند مقامات پر رضاکاروں نے ڈرائیور حضرات کی مدد کی۔
ترال سے تین کلومیٹر دور مندرہ کے شوکت احمد بھٹ نامی شخص نے فیس بک پوسٹ ڈال کر ایسے تمام افراد کے لیے گھر کے دروازے کھول دیئے ہیں جو ترال سے بٹ نور، پنر جاگیر یا دوسرے علاقوں کے ہوں اور گھر جانے میں پھسلن کی وجہ سے ان کو مشکلات درپیش ہوں۔
لوگوں نے شوکت کی اس کوشش کو انسانیت کی اعلی مثال سے تعبیر کیا ہے امید کی جا سکتی ہے کہ انسانیت کی یہ مثال قائم رہے۔
