ترال: ریچھ کے حملے میں شہری زخمی

ترال علاقے میں گزشتہ ایک ماہ کے دوران تقریباً نصف درجن افراد ریچھوں کے حملے میں زخمی ہوگئے ہیں جس کی وجہ سے مقامی لوگوں میں تشویش پائی جا رہی ہے۔

جنوبی کشمیر کے ترال علاقے میں واقع کچھمولہ نامی گاؤں میں آج صبح ریچھ کے حملے میں ایک مقامی شہری زخمی ہوگیا اور اسے علاج ومعالجے کے لیے اسپتال منتقل کیا گیا ہے۔

تفصیلات کے مطابق غلام محی الدین بٹ نامی ایک شہری نزدیکی کھیت میں کام کر رہا تھا جس دوران ایک ریچھ نمودار ہوا اور اس نے موصوف پر حملہ کر دیا جس کی وجہ سےوہ شدید زخمی ہو گیا۔

ذرائع کے مطابق زخمی شہری کو طبعی امداد کے لئے سب ڈسٹرکٹ اسپتال ترال منتقل کیا گیا جہاں ڈاکٹروں نے اسکی حالت دیکھر اسکو سری نگر منتقل کر دیا ہے۔

واضح رہے کہ ترال علاقے میں گزشتہ ایک ماہ کے دوران تقریباً نصف درجن افراد ریچھوں کے حملے میں زخمی ہوگئے ہیں جس کی وجہ سے مقامی لوگوں میں تشویش پائی جا رہی ہے۔