مرکز کے زیر انتظام علاقہ جموں و کشمیر کے ضلع شوپیان میں انتظامیہ کی طرف سے لاک ڈاؤن نافذ کیا گیا ہے، لوگ گھروں سے باہر نہیں نکل رہے ہیں۔ دکانیں بند اور سڑکیں سنسان ہیں۔
کورونا وائرس کے خلاف وزیر اعظم نریندر مودی کی اپیل پر ملک بھر میں آج صبح سات بجے سے جنتا کرفیو ہے۔ اتوار ہونے کی وجہ سے لوگوں نے گھروں میں ہی رہنا مناسب سمجھا ہے۔
کورونا وائرس کے خلاف وزیر اعظم نریندر مودی کے جنتا کرفیو کی حمایت میں دیگر سیاسی رہنماؤں نے حمایت کی ہے اور لوگوں سے کورونا وائرس کے خلاف سب کو مل کر لڑنے کی درخواست کی ہے۔
وہیں قومی شاہراہ ویران ہے۔ راجستھان، گجرات، ہریانہ، اتر پردیش سمیت کئی ریاستوں نے اس وائرس کو دیکھتے ہوئے لاک ڈاؤن کا اعلان کردیا ہے۔
وادی کے دیگر اضلاع کی طرح جنوبی ضلع شوپیان میں بھی آج کرفیو نافذ رہا تمام تر دکانیں اور کاروباری مراکز بند رہے اور سڑکوں پہ آمد و رفت ٹھپ رہی۔
گزشتہ روز انتظامیہ نے وادی میں کورونا وائرس کے مد نظر کچھ اہم اقدامات اٹھاتے ہوئے عوام کو آج اپنے ہی گھروں میں محدود رہنے کی ہدایت دی تھی اور آج صبح سے ہی پورا شہر ویران نظر آرہا ہے۔
