ترال:مرکز کے زیر انتظام یوٹی جموں و کشمیر کے ضلع پلوامہ کے ترال ٹاون میں کوڑا کرکٹ جمع کرنے کے خلاف مقامی باشندوں کا سراپا احتجاج کیا۔مقامی باشندوں نے کہاکہ رہائشی علاقوں میں کوڑا کرکٹ جمع کرنے کے لیے ڈمپنگ گراونڈ بنانا بالکل غلط ہے۔ انتظامیہ کو اس پر توجہ دینے کی ضرورت ہے۔
مقامی لوگوں نے بتایا کہ اس کی وجہ سے سے یہاں ماحول پر برا اثر پڑگیا ہے۔لوگ ترک سکونت پر مجبور ہوگے ہیں۔ آج یہاں کے لوگوں نے ایک ٹپر گاڈی کو کوڈا ڈالتے ہوئے ضبط کیا۔اس کے بعد انتظامیہ کے خلاف ایک خاموش احتجاج کیا۔ اپنی بات انتظامیہ تک پہنچانے کی کوشش کی مقامی لوگوں کے مطابق وہ یہ سمجھنے سے قاصر ہیں کہ آخر بڈگام سے یہاں کوڈا، لانے کی اجازت کون دے رہا ہے اور یہ سلسلہ بند ہونا چاہیے ۔
اسٹیزن کونسل ترال کے سربراہ فاروق ترالی نے میڈیا کو بتایا کہ اس فیصلے کے خلاف کونسل ہر سطح پر مخالفت کرے گی اور یہ سلسلہ فوری طور بند ہونا چاہئے ۔دریں اثناء بھارتیہ جنتاپارٹی کے ترجمان الطاف ٹھاکر نے بتایا کہ ترال کوئی ڈمپنگ سایٹ نہیں ہے۔جو لوگ یہاں کوڈا کرکٹ ڈال رہے ہیں۔ وہ کون سے قواعد وضوابط کے تحت ایسا کر رہے ہیں۔
یہ بھی پڑھیں:Protest Against Dilapidated Road خستہ حال رامبن میترا روڈ عوام کے لئے پریشان کا باعث
انہوں نے بتایا اس سازش میں ملوث افراد کے خلاف قانونی کارروائی ہونی چاہیے تاکہ ترال کی قدرتی خوبصورتی کو زک پہنچانے سے روکا جا سکے۔ اس موقع پر انہوں نے احتجاج کرنے والے لوگوں کی پزیرائی کی جنھوں نے اس معاملے کو لیکر احتجاج کیا انہوں نے ان آفیسران کو بھی متنبہ کیا۔
