اس کڑی کے تحت کوہ ماران پر محکمہ سیاحت کی وساطت سے ایک نجی ادارے نے اس ریسٹورنٹ کا قیام عمل میں لایا ہے۔جس کا افتتاح مقامی یتیم خانے کے بچوں کے ہاتھوں کروایا گیا ۔
یہ ریستوران کوہ ماران پر نئے اور پر کشش انداز میں تعمیر کیا گیا ہے اور اس ریستوران سے پوری وادی کشمیر کا قابل دید نظارہ کیا جاسکتا ہے۔
اگرچہ یہ کوہ ماران کی پہاڑی پر واقع ہے تاہم ریستوران کے اندر اور آس پاس فطری ماحول کی بھر پور جھلک نمایاں ہوتی ہے۔
دوسری جانب اس ریستوران میں وادی کشمیر کی ثقافت، ورثے اور تاریخی اہمیت کی حامل چیزوں کا خاص دھیان رکھا گیا ہے تاکہ ملکی اور غیر ملکی سیاحوں کے ساتھ ساتھ یہاں کے مقامی لوگ بھی اپنی ثقافت اور ورثے سے ملی چیزوں سے آشنا ہوجائے ۔
ان بچوں کا ماننا ہے کہ اتنی اونچائی پر انہوں نے پہلی بار۔وادی کشمیر خاص کر شہر سرینگر کا ایسا نظارہ دیکھا ہے ۔جہاں پر پورا شہر سرینگر اپنے دلکش اور پر کیف رنگ میں دکھائی دے رہا ہے ۔
وہیں اس ریستوران کے مالک کا کہنا ہے کہ اس ریستوران کو شروع کا کرنے کا مقصد یہاں آنے والے ملکی اور غیر ملکی سیاحوں کو یہاں کے بہترین پکوانوں کے ساتھ ساتھ قدرت کی عطا کردہ فطری حسن سے روح بروح کرانا ہے۔
