کشمیریونیورسٹی میں تعطیلات کے سلسلے میں یونیورسٹی کے ڈپٹی رجسٹرار اکیڈمکز افیئر نے حکم نامہ جاری کیا ہے۔ حکم نامے کے مطابق لیہہ اور کرگل کیمپسز کو چھوڑ کر مرکزی اور سیٹلائٹ کیمپس کے تدریسی شعبے 23 دسمبر 2019 سے 2 فروری 2020 تک موسم سرما کی تعطیلات رہیں گی۔
حکم نامے میں کہا گیا ہے کہ ڈپارٹمنٹ آفسز معمول کے مطابق کام کریں گے اور محکموں کے سربراہان اس بات کو یقینی بنائیں گے کہ امتحانات اور دیگر کاروبار بلا روک ٹوک جاری رہیں گے۔
دریں اثنا طلبا نے کہا ہے کہ یونیوسٹی نے ہاسٹل اور ٹرانسپورٹ کی سہولت فراہم کیے بغیر ان کے پوسٹ گریجویشن (پی جی) ڈیپارٹمنٹ میں کلاس کا کام شروع کردیا ہے۔
طلبا کو اپنی کلاسز میں شرکت کے لیے شمالی اور جنوبی کشمیر کے اضلاع سے ہر روز آنا پڑتا ہے۔ بارہمولہ ضلع سے تعلق رکھنے والے ایک طالب علم نے کہا کہ بیشتر طلبا روزانہ کی بنیاد پر کلاسز میں شرکت نہیں کرسکتے ہیں کیونکہ یونیورسٹی نے تمام طلبا کے لیے ہاسٹل بند کردیئے ہیں۔
قابل ذکر ہے کہ کشمیر یونیورسٹی میں آٹھ ہاسٹل ہیں۔ ان ہاسٹلز میں یونیورسٹی کے تقریبا 2000 پی جی طلبا رہتے ہیں۔
