اطلاعات کے مطابق آج نیشنل کانفرنس کے سینیئر رہنما اور جموں و کشمیر قانون ساز اسمبلی کے اسپیکر مبارک گل اور این سی رہنما تنویر صادق کو سرینگر کے ایم ایل اے ہاسٹل سے منتقل کیا گیا اور انہیں اب اپنے گھروں میں ہی نظر بند رکھا جائے گا۔
جموں و کشمیر انتظامیہ کی جانب سےگزشتہ کئی دنوں سے ایم ایل اے ہاسٹل میں بند کئی سیاسی رہنماؤں اور کارکنان کی رہائی عمل میں لائی جارہی ہے۔ ان رہنماؤں میں پیپلز کانفرنس کے سربراہ سجاد غنی لون، پی ڈی پی کے وحید پرہ، نیشنل کانفرنس کے عبدالمجید لارمی، غلام نبی بٹ، ڈاکڑ محمد شفیع اور محمد یوسف بٹ شامل ہیں۔
