' جموں و کشمیر کے عوام کو کورونا وائرس سے ڈرنے کی ضرورت نہیں '

جموں کشمیر کے فائنانشیل کمشنر ہیلتھ اٹل ڈلو نے ای ٹی وی بھارت سے بات کرتے ہوئے کہا کہ جموں و کشمیر کے عوام کو چین میں پھیلنے والے کورونا وائرس سے ڈرنے کی ضرورت نہیں ہے۔

اٹل ڈلو نے کہا کہ ' جو بھی جموں و کشمیر کے باشندے چین یا کسی دیگر کورونا وائرس متاثرہ ملک سے آتے ہیں ان کا پہلے ہی ٹیسٹ کیا جارہا ہے اگر وہ پازیٹیو پائے گئے تو اس کے لیے بھی ہمارے پاس وسائل دستیاب ہیں ۔'

انہوں نے مزید کہا کہ تمام ضلع مقامات پر ضلع ہسپتالوں میں اس کا ٹیسٹ کیا جارہا ہے۔

واضح رہے کہ چینی حکام کے مطابق کورونا وائرس کے 2 ہزار 345 نئے کیسز بھی رپورٹ ہوئے ہیں جس کے بعد چین میں وائرس سے متاثرہ افراد کی تعداد37ہزار643 ہوگئی۔جبکہ چین میں کورونا وائرس سے مزید 64 افراد ہلاک ہونے کی اطلاع ہیں۔ کورونا وائرس سے ہلاک ہونے والوں کی تعداد اب 425 ہو گئی۔