' آج کا دن بھارتی جمہوریت کا سیاہ ترین دن ہے'

ریاست جموں و کشمیر کی سابق وزیر اعلیٰ محبوبہ مفتی نے کہا کہ 'جموں و کشمیر کی لیڈرشپ نے 1947 میں دو قومی نظریہ کرکے بھارت کے ساتھ الحاق کا فیصلہ کیا تھا، وہ غلط ثابت ہوا۔'

محبوبہ مفتی نے ٹویٹ میں کہا کہ 'حکومت ہند کی طرف سے دفعہ 370 کو ہٹانے کا یکطرفہ فیصلہ غیر قانونی اور غیر آئینی ہے جو ہندوستان کو جموں و کشمیر میں ایک قابض طاقت بنائے گا۔'

' آج کا دن بھارتی جمہوریت کا سیاہ ترین دن ہے'

انہوں نے ٹویٹ میں کہا کہ 'اس فیصلے سے برصغیر پر المناک اثرات مرتب ہوں گے۔ حکومت ہند کی نیت صاف ہے، وہ جموں و کشمیر کے خطے پر لوگوں کو خوف زدہ کرکے قابض رہنا چاہتی ہے۔ ہندوستان کشمیر پر اپنے وعدوں پر قائم رہنے میں ناکام ہوگیا۔'

' آج کا دن بھارتی جمہوریت کا سیاہ ترین دن ہے'

محبوبہ مفتی نے اپنے دیگر ایک ٹویٹ میں کہا کہ 'جس طرح سے میڈیا اور سول سوسائٹی کا ایک طبقہ جشن منا رہا ہے، وہ انتہائی تشویشناک بات ہے۔'

' آج کا دن بھارتی جمہوریت کا سیاہ ترین دن ہے'

واضح رہے کہ مرکزی وزیرداخلہ امت شاہ نے مسئلۂ کشمیر پر خطاب کرتے ہوئے دفعہ 370 کو ہٹانے کی سفارش کی۔

امت شاہ نے جموں و کشمیر کو خصوصی حیثیت عطا کرنے والی دفعہ 370 کو ہٹانے کے لیے قرارداد پیش کی۔یہ قرارداد پیش ہونے کے ساتھ ہی راجیہ سبھا میں ہنگامہ شروع ہو گیا، جس کی بنیاد پر تھوڑی دیر کے لیے راجیہ سبھا کی کارروائی ملتوی کر دی گئی ہے۔