Meri Maati Mera Desh Campaign گارندربل کے تھانوں میں میری مٹی میرا دیش کے تحت پروگرامز کا انعقاد

گاندربل میں محکمہ پولیس کی ہدایت پر ضلع کے تمام پولیس اسٹیشنوں میں میری ماں میرا دیش مہم کے تحت مختلف پروگرامز کا انعقاد کیا گیا جس میں پولیس اہلکاروں نے بھی بڑھ چڑھ کر حصہ لیا۔اس موقع پر ترنگا ریلی کا بھی انعقاد کیا گیا۔ Meri Maati Mera Desh Campaign in Ganderbal

گاندربل: مرکز کے زیر انتظام یوٹی جموں و کشمیر کے گاندربل میں محکمہ پولیس کی ہدایت پر ضلع کے تمام تھانوں میں میری ماں میرا دیش مہم کے تحت مختلف پروگرامز کا انعقاد کیا گیا جس میں پولیس اہلکاروں نے بھی بڑھ چڑھ کر حصہ لیا۔ گاندربل پولیس کی طرف سے منعقد کیے گئے پروگرام میری مٹی میرا دیش" کا مقصد ان آزادی پسندوں اور بہادروں جوانوں کو خراج تحسین پیش کرنا ہے جنہوں نے ملک کے لیے اپنی جانیں قربان کیں ۔آج ضلع بھر میں اس سلسلے میں مختلف پروگرام منعقد کۓ گئے تاکہ قومی فخر و جذبے کا احساس پیدا کیا جا سکے اور آنے والی نسلوں کو ہندوستان کے قدیم ورثے کی حفاظت کی ترغیب دی جا سکے۔

ضلع بھر میں مہم کا آغاز ضلع کے تمام تھانوں اور پولیس چوکیوں میں پروگراموں اور سرگرمیوں کی ایک شاندار صف کے ساتھ ہوا۔ اس مہم کے ایک حصے کے طور پر گاندربل کے دائرہ اختیار میں پی ایس لار سے منی گام تک ترنگا بائیک ریلی کا انعقاد کیا گیا۔ ایک خصوصی ترنگا ریلی جس میں مختلف گاڑیاں اور بائک شامل تھے جن میں سول سوسائٹی کے اراکین، افسران اور جموں و کشمیر پولیس کے جوان تھے۔ میری مٹی میرا دیش مہم کو لے کر مقامی باشندوں میں جوش و جذبہ پایا جا رہا ہے۔