جموں و کشمیر انتظامیہ کی جانب سے جموں و کشمیر ہائی کورٹ بار اسوسی ایشن کشمیر کو انتخابات منعقد کرنے کی اجازت نہ ملنے کی وجہ سے یہ انتخابات ایک بار پھر سے معطل کر دیے گئے ہیں۔
یہ انتخابات تقریباً ایک برس کی تاخیر کے بعد گذشتہ مہینے کی 28 تاریخ کو ہونے تھے تاہم وادی کے معروف وکیل بابر قادری کی ہلاکت کی وجہ سے منعقد نہیں کیے جاسکے۔
اس کے بعد ہائی کورٹ بار ایسوسی ایشن کشمیر نے رواں مہینے کی پانچ تاریخ کو انعقاد کرنے کا فیصلہ کیا تھا، تاہم پھر سے انتخابات کو ملتوی کرنا پڑا۔ جس کے بعد رواں ماہ کی آٹھ تاریخ کو کرنے کا فیصلہ لیا گیا تاہم انتظامیہ کی جانب سے اجازت نہ ملنے کی وجہ سے رواں مہینے کی 15 تاریخ کو منعقد کرنے کا فیصلہ کیا تاہم اب چوتھی بار ملتوی کئے گئے۔
وہیں جموں و کشمیر ہائی کورٹ بار اسوسی ایشن کشمیر کے الیکشن کمیشن کے بیان کے مطابق " انتظامیہ نے گزشتہ شب آٹھ بجے کمیشن کو انتخابات منعقد نہ کروانے کا حکم دیا ۔
ضلع انتظامیہ کی جانب سے بار بار انتخابات منعقد نہ ہونے دینا ایسوسی ایشن کے ممبران کے جمہوری حقوق کی خلاف ورزی بھی ہے اورغیر آئینی بھی۔
اس لیے ایسوسی ایشن کے پاس انتخابات کو احتجاج کرتے ہوئے ملتوی کرنے کے علاوہ کوئی اور راستہ نہیں ہے۔
